آقای محمدرضا محمدی دن بو گوزل تک بیته گوره اوز بیلدیغی تشکوریمی یرینه گتیریرم.یاشاکی سن یاشامالی سن قارداش.
و ایندی بو بیتین ادامه سینده یازدیغی اوره ک سوزم کی عزیز قارداشیم مرتضی رجبی نین اس ام اس جوابینه یازدیم:

ریاضی عالمیندن من حیاتین فرمولون تاپدیم
گیجه گوندوز چالیشماقلار سراسر صفره ضرب اولدی

اوره کلرده محبتلر گیچیبدی رادیکال آلته
توانه چاتدی هر غملر بو نه حساب و فرمولدی

دیدیم بو اتحادلرده اولار او مزدوج راه حل
ولی گوردوم کی حاصلده تماما ایکس ومجهولدی

اولوبدور منحنی قددیم عجب هندسه دی دوران
تاگلدیم رسم ایدیم گوردوم یانیم اعشاریله دولدی

دیدیم نه دندی گوز یاشلارهمیشه یوزه ضرب اولمیش؟
دیدی جبر ایله حل اولدون دییب قهقه ایله گولدی

دیدیم گل بو حساب ایله منیم اوز حددیمی گورساد
دیدی منفی جوابین وار ایشیتدیم رنگ و رخ سولدی

دیدیم فیثاغورس دور گل سن الله هین چات امداده
دیدی بیچاره ده واز گیچ اودا بو دردیله اولدی

مرام عشقیدن حتما محبت رسمی تقسیم دی
منه ساری گلن عشقیم گمان و احتمال اولدی

خطوط بو یاشایشین اوزون برداری وار اوخ تک
گیچیب سینوس قلبیمده یارلیب اون یره بولدی

"اونودماز" سن بو دنیاده جمع ایتسن هرنه تفریقی
سنه طالع یازان یاقی چتین فرمول چتین یولدی