بهتان دئمه گویلردن آغیردی او
داش گویلردن قورخورام یاغیردا او
بهتان دئیان آلچاقدی کافیردی او
دیلین ساخلا دیلین ساخلا آی انسان
سن انسانسن تکجه بیرآد دگیلن
ائل گوزونده سن ائله یاد دگیلن
ائل اولماسا سن دابیرزاد دگیلن
ائلین ساخلا ائلین ساخلا آی انسان
مظلوم انسان ظلم الیندن چیخارسن
ظالیملرین بوغازلرین سیخارسن
آغلاما کی سارایلری ییخارسن
سئلین ساخلا سئلین ساخلا آی انسان
سروده: سیدجهانبخش شفیعی
تاريخ : ۱۳۹۴/۰۶/۲۶ | | نویسنده : سلمان ولیمحمدی |