آی الله بیلمیرم نه ایـــــدی گوناهیم

سئودیــگیم دونــدریـــب اوزونی منده

هرگون بخش ائده ردی خمار باخیشین

نــــدندی گیزلادیب گـــــــوزونی منده؟!

یازیلدی بختیمه چئکدیغیم ظولوم

گئتدی طراوتیم سولدو هر گولوم

آوازلــــی طـرلانیم شیدا بولبولوم

کسیب صحبتینی ســوزونی منده

"اونوتماز"یاراندی ماتمه غمه

آغلاسا آ قارداش اونو قینه مه

حسرتی یازدیقجه الله سینه مه

کئسایدین ویردیغی روزونی منده

جواد قاداشیم جواب یازدی:

بلالی باشیمله دارا گیدیرم

قلبیم پارالانیب پارا گیدیرم

گئدنده دئیه ردی هارا گیدیرم

ایندی ایتیریبدی ایزینی منده

سیلینمز باشیمده گیتمز کی اوگون

ایشیم برکه چیخیب دوشوبدو دوگون

ندن دی آی الله سئوگیلیم بوگون

ائسته میر ایشیدسین سوزونی منده