اوزاخدان گورسانان دومانلی داغلار

دیمه کی بوراندی دیمه کی قاردی!

گیت گیلـــــن اوداغـــین چیخ اتگینه

شاید کی بیر چیچئک وار انتظاردی!

سئوینجه گوز یاشین توکمه میش اولدون

محبــت دنینـــــی اکمـــــــه میش اولدون

مین بیر عذابینی چئکمه میش اولــــــدون

دیمه کـــی هــجـــرانـــــدا باشیم آقاردی

سئوینجه چاتماقچی دیمه بی وقت دی

قارشینا هـــــــــی گلر گونلرین سختی

بیرگونده گوررسن بیر شیمشک شاخدی

قــــوردوقــــــون دیلکــــی سئللر آپاردی

شیدالی بــــولبولون ناز گـــولو سولماز

بیر وورغون عشقینی بیل کی "اونوتماز"

چالیشسن عشقیده یقین کــــــی بیر آز

طــــالـــعیـــن دا یــاردی بختین دا یاردی